Әлібек Құлбатыр
Qalam School
«Біздің миссиямыз және мақсатымыз — оқушының бойындағы отын өшірмей, әр баланың ерекшелігін ескере отырып оның ішкі әлеуеті мен мүмкіндіктерін толық ашуға жағдай жасау.»

ШЫҒАРМАШЫЛЫҚ МЕКТЕП · АЛМАТЫ
Академиялық білім мен шығармашылық — біртұтас білім беру ортасында

SHAM — Қазақстандағы шығармашыл балаларға арналған алғашқы жекеменшік мектеп.
Мұнда өнерге деген сүйіспеншілік болашақ мамандыққа жол ашады, ал баланың таланты берік академиялық біліммен ұштасады.
Мектепті 2024 жылы режиссер әрі продюсер Қуаныш Бейсек құрды. Қазақстан киноиндустриясында мол тәжірибе жинаған ол маңызды мәселені байқады: еліміздегі дарынды балалардың жалпы білім алумен қатар шығармашылық қабілетін жүйелі дамытуына мүмкіндік беретін орта жетіспейді.
Мектептің тарихы Қуаныштың «Кел, балалар, оқылық!» әлеуметтік жобасынан басталды. Бұл жоба өңірлердегі балаларға режиссура, түсірілім және анимация әлемін танытты. Кейін бастама онлайн оқытуға арналған Sham.mobile бокстары форматына ұласып, жас ұрпақтың шығармашылыққа қызығушылығы мен әлеуетінің зор екенін көрсетті.
Осылайша толыққанды шығармашылық мектеп ашу идеясы туды. SHAM құрылтайшылардың жеке инвестициялары есебінен ашылды. Оған көпшілікке танылған «Дәстүр» фильмінің кассалық түсімінен бөлінген қаражат та жұмсалды. Бұл — Қазақстанның креативті индустриясының болашағына қосылған үлес.

Qalam School
«Біздің миссиямыз және мақсатымыз — оқушының бойындағы отын өшірмей, әр баланың ерекшелігін ескере отырып оның ішкі әлеуеті мен мүмкіндіктерін толық ашуға жағдай жасау.»
JUZ40
«Білім беру тек нәтиже мен балға емес, қолдау мен сенімге де тікелей байланысты.»
Tartaria Films
«Мен «Кел, балалар, оқылық!» сияқты жобаларға бүкіл өмірімді арнауға дайынмын. Біз балалардың шығармашылық әлеуетін ашу мақсатында еліміздің өңірлері мен ауылдарын араладық. Дәл осы тәжірибе менің мектебімнің негізі болды»
Shoqan Suits
«Біз баланың әлеуетін ашуға бағытталған көптеген жүйелі білім беру үдерістерін жүзеге асырамыз. Олардың барлығы біртұтас нәтижеге жетелейді».
SHAM-да академиялық бағдарлама мен шығармашылық пәндер бірін-бірі толықтырады. Бала білім алып, өз ойын жеткізудің жолдарын табады.
Мектебімізде оқыту қазақ және орыс тілдерінде мемлекеттік жалпыға міндетті білім беру стандартына сай жүргізіліп, академиялық бағдарлама, міндетті пәндер және БЖБ/ТЖБ арқылы сапалы әрі жүйелі білім негізі қаланады.
Кино, өнер және цифрлық шығармашылық — оқушылар режиссураны, операторлық шеберлікті, анимацияны және басқа да шығармашылық бағыттарды меңгеретін толыққанды оқу пәндері. Оқу теория мен тәжірибені ұштастырады: оқушылар кәсіби жабдықтармен жұмыс істеп, өз жобаларын жасайды және салада жұмыс істейтін мамандардың жетекшілігімен бейнебаяндар, қысқаметражды фильмдер мен коммерциялық жобалар түсіруге қатысады.
SHAM-дағы менторлық — әр оқушыға мектептегі оқу кезеңінде жеке қолдау көрсету. Ментор баламен әңгімелесіп, ортақ істерге қатысып, бірге мақсат қояды. Осы арқылы оқушының өзін жақсырақ тануына, қабілетін дамытуына және мектеп ортасында өз орнын табуына көмектеседі.
Ментор ата-анамен және сынып жетекшісімен тұрақты байланыста болады. Олар баланың жан-жақты дамуы мен өзін жайлы сезінуі үшін бірлесе жұмыс істейді.









Әр бағыттағы пәндер мен олардың қай сыныптарға арналғанын көру үшін тиісті бөлімді ашыңыз. Шығармашылық пәндер оқу бағдарламасына кіреді.
Оқытылатын пәндер тізімі сыныпқа қарай өзгереді.
Сабақтарды кино, өнер және шығармашылық индустрия мамандары жүргізеді.

Мектеп директоры
ВГИК түлегі, В. Хотиненко шеберханасында «Болашақ» бағдарламасы бойынша білім алған. Қазақстанның креативті индустриялар одағының мүшесі. Креативті бастамалардың менторы әрі сарапшысы. Unico Play, Salem Social Media студияларының бұрынғы бас продюсері және директоры.

Директордың оқу ісі жөніндегі орынбасары · Қазақ тілі мен әдебиеті
І. Жансүгіров атындағы ЖМУ түлегі (2017). Педагог-зерттеуші, еңбек өтілі — 9 жыл. Қазақ тілі мен әдебиетін оқыту, БЖБ және ТЖБ құрастыру бойынша курстардан өткен.

Академиялық директор
Nazarbayev University-де білім беруді басқару саласы бойынша магистр дәрежесін алған (2019–2021). Оңтүстік Кореядағы KAIST университетінің электротехника бакалавры (2012–2017). Жасанды интеллект саласында зерттеулер жүргізген.
Qalam High School академиялық директоры (мамыр — қараша 2026), IEC халықаралық бағдарламалар және аккредиттеу үйлестірушісі (2025–2026), SDU University әлеуметтік-әдістемелік орталығының директоры (ақпан — тамыз 2025).
Олимпиадалық физика жаттықтырушысы (2017–2021), «Білім-Инновация» лицейлерінің мұғалімдері мен тәлімгерлеріне арналған әдістемелік құралдардың тең авторы (2021). Республикалық жас педагогтер байқауының және мұғалімдер арасындағы Халықаралық Жәутіков олимпиадасының жеңімпазы (2018). Білім министрінің алғыс хатымен марапатталған.

Директордың тәрбие ісі жөніндегі орынбасары
Балалармен, жасөспірімдермен және жастармен жұмыс істеуде 31 жылдық тәжірибесі бар педагог, психолог және әдіскер. Шешендік өнер мен сахна тілінің оқытушысы. Балалар нейропсихологиясы бойынша кәсіби қайта даярлаудан өткен. Қазақстан Республикасының мәдениет саласының үздігі.

Кино және телевизия режиссурасы
11 сынып
Кинорежиссер, сценарист, режиссура саласындағы PhD. Т. Жүргенов атындағы ҚазҰӨА, ВГИК (В. Хотиненко шеберханасы) және Анджей Вайда мектебінің түлегі. «Дос-Мұқасан», «Упертый», «Той любой ценой», «Болмаған балалық шақ» фильмдерінің режиссері.

Кино және телевизия режиссурасы
8–11 сыныптар
«Шабыт» ҚазҰӨУ түлегі. «Охота на розового зайца», «Няня 2», «С любовью, аферист» фильмдерінің режиссері. Халықаралық және жергілікті фестивальдердің жүлдегері, «Тұран» университетінің оқытушысы.

Режиссура негіздері
6–7 сыныптар
New York Film Academy (NYFA) түлегі. «111», «Алғашқы махаббат», «Королева двора» фильмдерінің режиссері.

Сценарий өнері
6–8 сыныптар
NYFA түлегі әрі Алматыдағы NYFA оқытушысы. «Forever 29» режиссері, «Казахские страшные сказки» жобасының бірлескен авторы, «Жабайы» креативті продюсері және «Капитан Байтасов» фильмінің атқарушы продюсері.

Сценарий өнері
9–11 сыныптар
ВГИК түлегі, В. Абдрашитов шеберханасы. «240 часов», «Көрші», «Няня», «Қашан туасың» жобаларының креативті продюсері әрі сценарисі.

Шетел өнерінің тарихы
9–11 сыныптар
Т. Жүргенов атындағы ҚазҰӨА түлегі, докторант. «ӨНЕР» зерттеу орталығында өнер тарихы мен дәстүрлі қазақ киіміне арналған оқу-әдістемелік құралдар мен ғылыми жарияланымдардың авторы.

Кино тарихы
8–11 сыныптар
Eötvös Loránd University кинотану магистрі. Кинотанушы, киносыншы, Қазақстан киносыншылар қауымдастығы мен FIPRESCI мүшесі. «Алтын глобус» сыйлығының дауыс беруші мүшесі. Freedom Media контент сатып алу бөлімінің бұрынғы басшысы.

Орталық Азия киносының тарихы
10–11 сыныптар
Өнертану докторы, Қазақстан киносыншылар қауымдастығының президенті. Орталық Азия киносы туралы монографиялардың авторы. «Құрмет» және Францияның Өнер және әдебиет ордендерінің иегері.

Музыка өнерінің тарихы
6–11 сыныптар
Құрманғазы атындағы Қазақ ұлттық консерваториясының түлегі әрі оқытушысы. Композитор, музыкатанушы, аранжирлеуші, өнертану магистрі. Maestro Talk негізін қалаушы, «Қауымдастық» композиторлар бірлестігінің мүшесі. «Дарын» сыйлығының иегері.

Жанр тарихы
6–7 сыныптар
Режиссер, PhD, халықаралық кинофестивальдер лауреаты. Т. Жүргенов атындағы ҚазҰӨА мен New York Film Academy-де білім алған, Мармара университетінде PhD дәрежесін алған. «Туркоязычные экраны» кітабының тең авторы, AlmaU оқытушысы.

Операторлық өнер
9–11 сыныптар
Т. Жүргенов атындағы ҚазҰӨА түлегі. Kaspi, TicTac, Rexona, Coca-Cola, Barni, A’SU жарнамаларының және Ирина Кайратовна, Dequine, Shiza, M’dee бейнебаяндарының қоюшы операторы. «Welcome to USA», «Аул house» фильмдері мен «Асау» сериалының операторы.

Мобилография
6–8 сыныптар
ҚазҰУ түлегі, білім беру курстарының спикері. Truwer, CAPTOWN, Dequine, ASIYA сияқты әртістермен және медиаблогерлермен, сондай-ақ Samsung, Porsche, Aviasales, Coca-Cola және Tele2 брендтерімен жұмыс істейді.

Монтаж режиссурасы
8–9 сыныптар
Сәулет университетінің түлегі. A’SU, Freedom Insurance, Arbuz.kz, Exeed, Binance, Hyundai, Chevrolet жарнамаларының режиссері әрі креативті продюсері. Auru, Dastur 2, Irinka, Ushiro промокампанияларын жасаған The Pact Production компаниясының тең құрылтайшысы.
Монтаж режиссурасы
10–11 сыныптар
Т. Жүргенов атындағы ҚазҰӨА-ны көркем фильм режиссурасы мамандығы бойынша бітірген. Бес жылдық тәжірибесі бар монтаж режиссері: «Приговор», «Кенжем қайда?», «Малай», «Игроманка», Qarga. Salem Social Media, Unico Play және Freedom Media компанияларымен жұмыс істеген.

Қоюшы суретші өнері
10–11 сыныптар
Қ. Сәтбаев атындағы политехникалық университеттің түлегі. Музыкалық бейнебаяндар, жарнамалар, подкасттар мен сериалдардың қоюшы суретшісі. Портфолиосында 100-ден астам жоба бар.

Цифрлық иллюстрация
6–9 сыныптар
Бейнелеу өнері және сызу саласындағы педагогика ғылымдарының магистрі. Аға оқытушы, он жылдық тәжірибесі бар кәсіби суретші-иллюстратор әрі дизайнер.

Визуалды сторителлинг
6–10 сыныптар
«Шабыт» ҚазҰӨУ түлегі. Аниматор әрі режиссер, Cannes Short Film Festival, ММКФ, Baiqonyr, Amen, Tashkent IAF халықаралық анимациялық фестивальдерінің жүлдегері және қатысушысы.

Анимация
6–10 сыныптар
Аниматор әрі режиссер. Baiqonyr, Amen және Tashkent IAF халықаралық фестивальдерінің қатысушысы.

Сахналық қозғалыс
6–11 сыныптар
Ғылым докторы, педагог, сахна пластикасы өнеріне арналған оқу құралдарының авторы. ҚР ҰҚК Шекара қызметінің мерейтойлық естелік медалімен марапатталған.

Креативті продюсерлік
10–11 сыныптар
SHAM School негізін қалаушы, Tartaria Films бас продюсері. «Дәстүр», «7 қарақшы», «Отыздан асып барамын» режиссері. «Ауру», «Дәстүр 2», «Интернат» продюсері. «Қазақфильм» АҚ президентінің бұрынғы кеңесшісі, ҚР Президенті жанындағы Жастар саясаты жөніндегі кеңестің мүшесі. Креативті бастамалардың менторы әрі сарапшысы.

Продюсерлік
10–11 сыныптар
AlmaU түлегі. «Бикеш», «Бегущая к свету», «Сен BOSSың», «Жезтырнақ» жобаларының продюсері әрі жоба жетекшісі.

Практикалық digital-маркетинг
7–8 сыныптар
Digital-продюсер. Пусандағы Asia Contents Awards & Global OTT Awards сыйлығына ұсынылған «Чёрный двор» сериалы мен «Приговор» фильмін ілгерілетуге қатысқан.
Промпт-инжиниринг
6–11 сыныптар
EyraLab AI-студиясының негізін қалаушы әрі арт-директоры. Halyk, BAZIS-A, Moreart және басқа брендтермен жұмыс істеген. 100 млн-нан астам тыңдалымы бар жобалардың ән авторы әрі бірлескен продюсері. ЖИ көмегімен режиссура жасау бойынша жеке тәлімгерлік жүргізеді.

Маркетинг
6–11 сыныптар
ММУ түлегі. «Чёрный двор», «5:32», «Саке», Sheker сериалдары мен киножобаларының digital-продюсері. Unico Play онлайн-кинотеатрының ішкі маркетинг командасын басқарады.
Тілдер, нақты және жаратылыстану ғылымдары бойынша берік білім негізін қалыптастыратын педагогтер.

Тарих
ҚазҰПУ түлегі (2025). Педагогикалық өтілі — 1 жыл. Тарих пен құқық негіздерін оқытудың тиімді тәжірибесі бойынша біліктілігін арттырған.

Қазақ тілі мен әдебиеті
ҚазҰПУ түлегі (2017). Магистр, педагог-сарапшы. Педагогикалық өтілі — 8 жыл. Қазақ тілі мен әдебиетін оқытудың тиімді тәжірибесі бойынша біліктілігін арттырған.

География
ҚазҰПУ түлегі (2025). НЗМ Педагогикалық шеберлік орталығының «Жас педагог мектебі: жетістікке қадам» атты 80 сағаттық бағдарламасынан өткен.

Ағылшын тілі · Кәсіптік бағдар беру
БҚУ түлегі (2024), мамандығы — екі шет тілі. Педагогикалық өтілі — 1 жыл. Ағылшын тілін оқытудың тиімді тәжірибесі бойынша біліктілігін арттырған.

Физика
Тараз университетінің түлегі (2025). Педагогикалық өтілі — 1 жыл. Қазақ, орыс және ағылшын тілдерінде сабақ береді.

Орыс тілі мен әдебиеті
ҚазҰПУ түлегі (2021–2025), мамандығы — орыс тілі мен әдебиеті. Педагог, орыс тілінде сабақ береді.

Биология
SDU және ҚазҰУ түлегі. Магистр, педагог-модератор. Педагогикалық өтілі — 5 жыл. Қазақ, орыс және ағылшын тілдерінде сабақ береді.

Ағылшын тілі
SDU түлегі (2023), мамандығы — екі шет тілі. Магистр. НЗМ Педагогикалық шеберлік орталығының «Жас педагог мектебі: жетістікке қадам» бағдарламасынан өткен.

Химия
Магистр, ҚазҰУ-дың «Химия» мамандығы бойынша түлегі (бакалавриат — 2013–2018, магистратура — 2018–2020). Педагогикалық еңбек өтілі — 4 жыл 11 ай. Қазақ және орыс тілдерінде сабақ береді. Химия мен жаратылыстануды тиімді оқыту, білім беруде ЖИ қолдану және буллингтің алдын алу курстарынан өткен.

Математика
Магистр, педагогикалық еңбек өтілі — 4 жыл 8 ай. Білімі: ОҚМПИ (2009–2013), АӘИУ (2013–2015), мамандығы — математика. Қазақ және орыс тілдерінде сабақ береді. Математика мұғалімінің кәсіби құзыреттілігін дамыту, оқытуда ЖИ қолдану және буллингтің алдын алу курстарынан өткен.
Университеттер, алғашқы фильмдер және нақты тапсырыс берушілермен жұмыс. SHAM түлектерінің жетістік жолы.
SHAM түлектерінің шоурилін тамашалаңыз: түрлі оқиғалар, жанрлар мен авторлық көзқарастар бір бейнеде тоғысады.
Шоурил · 3 мин 21 сек






Түлектердің жеке жетістіктері. Әр оқушының өз жолы бар.
Парламенттің Instagram парақшасы@sham.shuagyМектеп парламенті — әр оқушы бастама көтеріп, өз идеясын ұсынып, мектеп қауымдастығының дамуына үлес қоса алатын оқушылардың өзін-өзі басқару кеңістігі.
Парламент мектеп өмірін ұйымдастыруға қатысатын, өз жобаларын дамытатын және мектеп әкімшілігі алдында оқушылардың мүддесін білдіретін оқушыларды біріктіреді.
Оның құрамына медиаға, мәдени іс-шараларға, оқушылар мен мұғалімдер клубтарына, сондай-ақ мектеп бастамаларын үйлестіруге жауапты бағыттар кіреді.
Біз мектепті тек білім алатын орын емес, жауапкершілікті сезінуді, командада жұмыс істеуді, көшбасшылық танытуды және өз идеяларын жүзеге асыруды үйренетін орта деп білеміз.
Мектеп президенті · 10 «А» сыныпМектеп парламентін басқарады, оқушылардың бастамаларын үйлестіреді және іс-шаралар ұйымдастырады. Оқушылар мен әкімшілік арасындағы байланысты нығайтып, көшбасшылық қасиеттердің, ортақ жауапкершіліктің және тиімді өзара әрекеттестіктің дамуына ықпал етеді. Оқушылардың идеяларын қолдап, оларды жүзеге асыруға көмектесу арқылы мектеп өмірін мазмұнды етуге ұмтылады.
Sham Pavilion және Sham Space — фотосуреттер мен бейнеэкскурсия арқылы мектеп кеңістіктерімен танысыңыз.
Мектептің түсірілім павильоны. Мұнда оқушылар кәсіби кино жабдықтарымен жұмыс істеп, шығармашылық идеяларын түсірілім алаңында жүзеге асырады.
SHAM-ның шығармашылық кеңістігі. Оны жақынырақ көру үшін фотосуретті үлкейтіңіз немесе мектептің бейнеэкскурсиясын көріңіз.
Бес отбасы — бес бейнепікір. Ата-аналар SHAM-ды не үшін таңдағанын және мектеп туралы әсерлерін бөліседі.
Қосымша сұрақтарыңыз бар ма?
Қабылдау комиссиясы WhatsApp арқылы жауап береді.
Иә, бір сынақ күні тегін. WhatsApp-қа жазыңыз: менеджер күнін келісіп, танысу бағдарламасы туралы айтып береді.
Жалпы қабылдау кезінде емтихан да, конкурстық іріктеу де жоқ. Ата-ана мен бала мектеп директорымен, психологпен және шығармашылық бағыт жетекшісімен әңгімелеседі. Кездесуде баланың қызығушылықтары, оқудан не күтетіні және жаңа ортаға бейімделуі талқыланады.
Иә, қажетті сыныпта бос орын болса, ауысуға болады. SHAM 6–11 сыныптарға оқушылар қабылдайды. Бос орындар сынып пен оқу тіліне қарай жеке нақтыланады.
Әр параллельде қазақ және орыс сыныптары бар. Математика мен жаратылыстану пәндері, соның ішінде физика, химия және биология ағылшын тілінде оқытылады. Ауысу мен бейімделуге қатысты сұрақтарды танысу кезінде талқылауға болады.
Жалпы қабылдау үшін шығармашылық портфолио талап етілмейді. Дайын жұмыстары болса, бала танысу кезінде оларды көрсетіп, өз қызығушылықтары туралы айта алады.
Мектеппен танысып, қажетті сыныпта бос орын бар-жоғын анықтаңыз және отбасыңызбен бірге шешім қабылдаңыз. Одан кейін менеджер құжаттар мен келісімшартты дайындауға, төлемді келісуге көмектеседі.
Балаңызды SHAM-дағы бір сынақ күніне шақырамыз. Бұл оған жаңа мектептің өзіне сай келетінін түсінуге көмектеседі.
Сынақ күні ↗WhatsApp-та балаңыздың қай сыныпқа түсетінін және неге қызығатынын жазыңыз.
Менеджер сізбен күнін келісіп, мектеппен танысудың қалай өтетінін түсіндіреді.
Сынақ күнінен кейін балаңызбен әсерлерін талқылап, асықпай шешім қабылдаңыз.
Толық оқу жылына — 4 320 000 ₸.
Қабылдау жарнасы алынбайды.
Алматы, Қозыбаев көшесі, 23А.
Сынақ күніне қабылдау комиссиясы арқылы тіркеле аласыз.










